深圳日遊

拉著朋友衫尾.... 今天深圳一日遊!

其實想買旅遊書, 香港的實在太貴, 平常一般喜歡到圖書館借然後影印需要的~ 本來並未決定是否會買...... 但看後發覺又新又輕又便宜, 所以決定買下來, 沿途一面用一面掉..... 起碼不會心痛!!! 還買了一本 "多功能漢語字典" , 給老爸的, 他找了很久.........但忘了那是簡體字~~~ :P

都來了深圳, 也到羅湖城逛一下吧! 買了一點兒東西, 可惜我不太喜歡按摩, 癢癢的~~ 所以朋友便不能去了! 好吧~ 下次我唔按摩..... 都可以按腳嘅!!!!! ^^

還以為會6點前回香港, 但最後盪盪吓..... 9點多才回到, 再去食晚飯, 因為不很餓.... 所以只要了一個湯一個紅燒豆腐再加一個清炒菜, 以為今次應該不用捧著肚走了吧! 點知.... 最後連送的糖水也吃不下.... 索性唔要啦!!!!

實在很飽.... >.< 於是決定去黃金海岸跑2個圈~~~ 傻啦! 行2個圈咁多啦! :P 最後......... 12點幾至返到屋企!!! 時間過得實在太快喇!!!!! 回家後放下所有東西, 什麼也不做, 立即沖涼瞓覺.... ZZzzz zzz zz z (由元朗去真係又平又方便! 坐van仔只不過7大元已到落馬洲關口, 過對面上去就可以過關; 平日又唔多人好快去到, 到左福田側邊又已經係地鐵, 2-5蚊人仔又可以去到書城或者羅湖城! 不過可惜空氣唔多好~ 回程時有點喉嚨敏感, 朋友就鼻敏感~~~)
價錢唔貴! 但其實都幾細碟!!!
勝在可以試多幾樣野~
埋單都唔平架, 因為收人仔嘛~~

遲左發現..... 羅湖城日落!
黃金海岸的月亮

軍曹!!!!!

我的天啊.....

晨早!
中午....左邊~~
中午....右邊~~~

無端端.... 去左金山~

今日早上唔係咁好天, 但黃昏又唔錯喎! 途經 金山郊野公園(石梨貝水塘... 馬騮山....), 本來只係想入去影幾張日落相便走~ 嘩! 原來黃昏時間如此多馬騮在那裡遊蕩?! 相信那是因為定時有人來喂牠們......

由影日落變左影馬騮~ 開餐時間.... 連野豬都大大方方的走出來搵食!!! 估不到我們香港人可跟牠們如此近距離接觸?!!! 其實感覺牠們並不是如此友善~ 只是對捧著一大箱食物來的人是沒有去搶吧了! 還有看到那喂牠們的女仕像對狗一般的摸摸牠們的頭.... 乖乖!!!! 看著有點擔心!! 沿途佈滿一家大小, 自由自在的四處遊玩.... 那裡是牠們的世界.... 是我們趟進了牠們的領土上~~

除了影相... 沿途都不敢拉下玻璃窗, 怕牠們會跳進來~ 因為舉著相機, 牠們不知是什麼... 總之唔係食物啦! 還近距離凶我呢~~

雖然看到其他人跟牠們接觸.... 大人細路也下車觀看.... 但我始終不很放心~ 在離開水塘途中, 窄路上下車影最後的日落照時, 兩旁各走來一隻大大的馬騮, 嚇得我連忙收機, 怕牠會搶我的相機呢~~ 最慘是..... 左一隻右一隻路又窄又不敢跑..... 都不知避到那裡才好~~

唔好攪我呀~~~ 我唔想打破傷風針呀~~~~~ HELP!!!!!

Mileage.... 又到期喇~~~

唉.... 又要為到期 Mileage 頭痛~ 又唔係多.... 只係得果20000分!
本打算跟朋友去台灣阿里山, 因為佢地打算自駕.... 我對自駕情有獨鍾!
可惜天意弄人..... 天災人禍下反轉了大半個台灣..... 所以~ 唯有另尋目標!!!

咁少分無乜選擇~ 最後決定去越南+老撾! 其實這個本來屬於上年年尾的行程, 可惜因為一點點意外而令這行程無疾而終~ 完成了柬埔寨/緬甸, 無理由唔去埋這兩處相連國土......

好煩.... 越去越走好呢? 還是越去泰走好? 又或者應該越去柬走好呢??? 如果越去越走要申請多次入境簽證.... 越去泰走又唔就腳.... 剩返越去柬走未搵資料??!!! 其實越去越走係最方便嘅, 但除左要貴d申請簽證外, 就係只得30日限期, 如果去埋老撾再返入越南走, 時間會好趕~~驚趕唔切~~~ 唉......

都未整理好之前嘅遊記同相.....仲欠債纍纍~ 又有好多email都未回! WELL........

好忙呀! 又要網上搵資料.... 又要去圖書館借書.....

嘻嘻嘻! 我又自言自語喇....... :PPPPPPPPP

小白露 + 晚聚

今天朋友假期, 結伴往大埔小白露吃午餐, 12點前已到達, 應該時間尚早, 什麼人也沒有~~ 連待應也不見?? 大槪他們只是剛開始.... 我們又包了整個場地午餐了!!! hahaaaa....

天氣很好, 有漂亮的藍天白雲, 有可愛的大小黑草羊, 有美麗的湖上小屋及小花花; 但.... 還有可惡的餓蚊和火熱迫人的.... 太陽伯伯~~~ 所以午飯後很想睡覺!!!!!!!!!!!!!!!

又失憶証發作, 所有應該帶嘅野都全部唔記得帶~ 本來諗住算數啦..... 但最後還是趕回家拿.... 哈哈~ 攪乜? 死得!!!!

嘻嘻! 趕得及晚上的北海道自駕後聚會, 在油麻地新田地街的一間樓上cafe~ 嘩! 真係難搵... 心諗.... 應該無乜邊個可以好順利由彌敦道入去就立即搵到??? 總理都唔提醒我地嘅! 差d上左人地住家呀!!!!!!!!!!!!!!!!

樓上cafe特式係好多遊戲可以借黎玩~ 我地選了3種遊戲, 最後一款我係最高分呀!!!! 哈! 知唔知玩乜?? 係...................... UNO!!!!!!!!!!! 不過玩得好鬼開心.... 可惜中途導演走左~ 唔係會玩得更加開心! 我地7點到, 差不多12點才走, 大家都意猶未盡~ 若不是他們要打烊..... 唔知我地會玩到幾點呢??!!!! 哩班小朋友真係好鬼爛玩~~~ :P

但講到食就真係麻麻喇~ 個龍蝦湯好咸 (不過總理同美寶都話龍蝦湯應該係咸d嘅!!! 點解喎?? 落小d鹽咪得囉~~~), 同埋蝶意粉好油.... 成蝶都係油油油......

本來今次聚會目的之一係過相.... 點知最後都過唔到...... >.< 嘻嘻! 唔知幾時會再出黎呢? 唔該大家搵間可以玩通宵架啦!!!!!!!!!!!! :PPPP

酷熱天氣警告下的.... 黃昏!

雷暴警告下的.... 晚霞!

晚上7時....

魚排垂釣

本打算跟朋友到西貢租1,2小時的小船到海上過一下手癮, 因為聽說現在無乜魚釣~ 有都只係細魚.... 但沒有之前預約, 船家已給訂了, 要5點後才回來~ 但那時只是3點!

四處遊蕩, 想著是否找其他船家好呢? 但朋友不太喜歡不相熟的, 所以心大心細.... 最後經過一個路邊攤檔, 隨手拿了張宣傳單張, 原來是去 '滘西洲' 魚排的, 只是HK$90一人, 比租船平, 而且反正出海又無大魚, 決定入去玩吓!

最快都要5點至有船, 20分鐘入到去! 原本以為只得我們包船, 最後有一家十幾口上船; 去到魚排都只係得我地兩班人, 好多人都搭6點船走了, 我地就要等最後一班9點嘅船~ 本來以為可能太長了.... 4個鐘~ 但原來係唔夠時間玩嘅! 因為果樹可以釣普通魚之外, 夜晚仲可以釣墨魚, 但仲要食飯~ 最後都唔夠時間釣返條墨魚至走~~~

朋友帶了枝 '筏竿' 去玩, 最後比我霸咗!!! 我只係釣到迷你火點一條, 朋友就釣到梭羅2條都係迷你板; 原本仲釣到2條墨魚架~ 都唔細架~~ 不過比佢地走甩左.... 仲係睇住佢走.... 好激氣呀!!!!!!!

晚餐叫左條魚, 原來可以自己去魚籠那裡釣, 釣到幾大條就要食幾大條, 但價錢只有一個, 不會因釣上來的大小而加減費用! 咁......... 當然去玩啦! 原先打算食三刀魚, 但最後上水斷了線~ 可惜! 再試又不幸地勾了魚網, 佢地話拉網取勾d魚就會驚唔再食餌(不過朋友話會食架... 只不過要等, 咁佢地緊係唔想等我地慢慢玩啦~~), 之後唯有改釣紅由 (無三刀咁好食!), 中第一口.... 嘩~~ 估唔到一條都唔係好大嘅魚, 原來係咁鬼大力, 嚇得我後退幾步, 好在拉得實, 其實係怕燒手~, 第二口終於上水.... 不過我唔夠力拉, 唯有朋友接手拋佢上岸~~~ 都有約2斤多, HK$120+40手功=160..... 貴嗎??

食完都差不多9點, 玩多一陣釣墨魚就要走喇!

好在今日都唔係太熱! 不過開始轉黑就要喟蚊喇! 都唔記得帶蚊怕水~ >.< >.< >.<.......

Movie

又睇左另一套電影, 今次無3D喇~

無帶任何預期入去睇, 因為都無諗過睇哩套戲, 只係朋友話佢朋友話好睇... 仲想去睇多次添?! 既然有朋友的好評, 咁就去睇吓啦!

唔睇預告, 唔睇影評, 乜野都唔知入去睇真係最好嘅~ 新鮮!!!!

哎呀~ 未講名添! ＊＊義勇群英之毒蛇風暴＊＊
因為個名都唔係好吸引到我..... 又因為好似無見過有很多的宣傳, 好像不知在電視還是Roadshow見過一次半次的廣告.... 總之就係唔吸引啦!!!!!

開頭覺得有d 亂.... 不過其實全場都好混亂~ 不過就幾刺激, 都無乜冷場, 算係值回票價; 打..打...打... 飛機大炮... 海陸空等等等全部用齊! 特技都算交足功課啦!

我要求唔係太高~ 所以這套電影我滿意! 足本2小時! 哈哈..........

要換DC喇!~

都係決定換左部DC喇!

今次想買Panasonic~ 搵左幾部比較.... 不過真係好難選擇? 因為...... 唔知佢地規格邊樣好邊樣無咁好??! 唯有問人啦! 希望朋友有時間解答我這問題高齡人仕啦!!!!! >.< 我問嘅係以下問題, 其實玩開相機有d都應該知掛~ 不過我就...... 唔肯用心去記囉!!!!!!! 1) "影像比例" 多數4:3 / 16:9...... 但只係 ' 3 ' ~ 咁係乜野比例?? 2) "防手震功能" - 光學防震 / Power O.I.S lens-shift stabilization (Auto/Mode 1/Mode/2), 邊樣較好?? 3) "鏡片組合" - 什麼 10片8組 / 9片7組 / 7片6組 又 什麼 2片非球面鏡 / 2片ED鏡 / 1片低色散鏡 等等~ 那些組合好?? 4) "鏡片焦距" - 4.1-49.2mm / 4.9-22.8mm / 4.5-22.5mm / 4.5-36mm ?? 5) "焦距" - 25mm - 300mm / 28mm - 128mm / 25mm - 125mm / 25mm - 200mm ?? 6) "光圈範圍" - 係咪f 越細越好? 係咪 f 2.8 - f 5.8 比 f 3.4 - f 5.3 好?? 嘻嘻! 因為去日本前, 未發現入塵之前..... 為部DC仔買左個普通防水袋, 所以打算留返黎去浮潛時用, 咁唔好彩入左水都唔肉痛吖嘛! 只係諗緊.... 用唔用300蚊去吹塵好呢?? 吹唔吹好呢????? 唉............. 見到大大粒塵嘛!!! 要就餐死~~ 陽光普照都好d, 夠光未必現形.... 可惜3份2時間都係烏卒卒~~~~~~

充實的一天!

今日好忙....

早上去看 '沖天救兵', 都幾輕鬆同好笑啦! 不過係睇早場, 完全係兒童樂園及合家唱遊咁~ 嘈到7彩~~ 好在播放途中d小朋友無四維咁走姐!!!! 為左慳少少..... 無辦法啦! :P

跟住要帶部DC仔去維修.... 因為無端端入左一位塵~ 經相機店職員查看, 原來係入左係CCD度, 如果要吹塵.... 盛惠三百大元, 三四日有取~ um..... 諗諗先.............

好想學樂器..... 之後去左通利睇價錢..... well~ 都係hold住先啦! e+非常時期! 學住西文先算啦! 報住工聯會玩吓初班先, 如果無半途而廢再考慮長時間嘅course啦!!!

突然心血來潮~ 跟朋友買了一塊又細又貴嘅和牛試! 嘩.... 又真係幾好味喎! 不過係西冷... 有少少筋, 但都好好味! 不過..... 差不多500蚊~~~ 傻架!! 不過.....總算試過啦!!!!!

咁就一日喇!!! 本來打算將幾隻videos剪輯一下, 遲d比班豬朋狗友欣賞嘅! :P 點知攪黎攪去都攪唔掂~ 算啦! 就全套上啦! 唔駛煩! hahahaahhaaaa.................

終於攪掂喇~

今日終於申請左上網服務喇~ 唔駛下下要去N咁遠至有得上!

剛剛試上TVB重溫電視劇... 不過都run唔到同好鬼慢呀~

下午去左睇 '哈利波特', 好失望呀! 做完都唔覺... 好似只係播左一半咁~ 本來打算去日本前睇架, 仲係想睇3D版, 不過好full, 最後決定返黎至睇! 好在買唔到飛, 唔係120蚊睇哩套戲............ 真係............................

出發前睇左 '冰河世紀' , 都唔錯! 起碼好笑, 又係全場3D! 星期五要再睇另一套卡通, 不過唔記得片名, 但睇過片頭, 都好似幾好笑, 又係3D版嘅! 我要開心..開心...開心...........

哇~ 又返咗黎喇!

終於完成北海道花田之旅! 計劃左咁耐, 原來係選擇左前所未有咁........ 差天氣嘅日子~~

哈哈! 都唔知邊個係貴人?? 全程真係大部份時間落雨大霧污天黑地~~~ 不過好在有車!

今次司機揸足咁多日, 真係辛苦晒! 仲有日要趕車, 由朝揸到半夜! 超速140至可以9點幾到達~

仲玩埋去差館添~ 140唔抄.... 點知75就比佢地捉到~ 嘻嘻! 好在原來只係登記同警告啦! 有驚無險~~ 下次唔好喇!!!!!!!!!!

天氣報告話------- 8月3號開始放晴......................... shxxxxxx!!!

今次奉家中倆寶之命 -- 要盡情咁買d好食嘅野返去比佢地食同做順水人情!!!!! 不過.......... 買野真係好鬼死開心!!!!!!