遲來的..... 馬爾代夫游記 (四)

咁多日都未睇過日出, 所以今日決定去影日出, 不過天氣唔好, 仲落左一陣雨添~

下午參加 Shark safari, 其實都好貴, 天氣亦麻麻~ 但黎到唔去睇又好似對唔住自己~~

今天全日天氣都唔係咁好, 出到去仲大風大雨又大浪, 結果.....又係乜都見唔到~ 不過..... 好在最後比我追到條反斗蝠鲼, 追到氣咳, 點知佢仲游返轉頭, 但我竟然驚~ 停左無再追.... 因為佢個口真係好鬼大呀~~ 哇!!! 好後悔無追近d....... >.< 經過午後海上的爭扎...... 好鬼攰!!! 都係早 d 休息, 明天再努力玩玩玩.................

遲來的..... 馬爾代夫游記 (三)

其實都無乜野寫, 日日都係去潛水, 最多參加埋 resort 攪嘅超貴活動囉!!!

早餐後, 又係係水上屋做下水禮~ 之後下午參加 5:45-7:45 的 sunset fishing, 我就無收獲喇~ 朋友就釣左2條, 不過都係細過頭要掉返落海!!! 今晚無免費晚餐喇~~ >.<

好..... 釣唔到都要去餐廳燒返條魚做晚餐, 哈哈! 味道都唔錯啦!

遲來的..... 馬爾代夫游記 (二)

黑媽媽黎到第一間 resort, 乜都睇唔到! 一早起來當然要周圍參觀一下, 再去食他們的自助早餐, 食物方面就沒有太大特別了!

因為天氣麻麻, 下午2點後才去snorkling, 在水上屋那邊下水, 但水漲又有浪, 玩了個多小時便上岸了! 未借救生衣...雖然水唔過頭, 但唔知點解都浮唔起個身嘅?! 好怕踏到那些珊瑚礁, 已經唔多啦~ 再踏多兩腳就好快無晒架喇~真係唔慣呀!!!!

今晚要早點休息, 無打算到餐廳晚飯, 在房裡玩煮飯仔~ 哈哈哈.... 其實只係食杯麵加罐頭!!!! :P

遲來的..... 馬爾代夫游記 (一)

呢個 trip book 左好耐, 因為 agency 話機位會好爆~ 結果..... 都係book唔到時間較好的星航, 唯有坐馬航啦! 就係浪費左一日, 隔日仲要午夜才到達果隻呀!!!

不過我地book左3送1的套餐, 原本6晚變8晚, 但因為第一日夜晚才到, 所以係8日8夜啦!

住左2間 FOUR SEASONS, 當然係 Landaa Giraavaru 好好多啦! 另一間唔駛去喇~

我地只係訂左一晚 half-board 用黎任食慶祝生日, 其他都可以唔需要喇! 個 package 係包早餐嘅!

所有 snorkling 用品可以免費借的, 救生衣都係, 用完放係自己房就得喇~ 到走果日都係放係房裡! 好隨便, 就算放係屋外都無問題! 因為我地日日都係露台落水, 咁就放係露台囉!!!

Tips 呢~ 餐飲後就適隨專便啦! 不過如搬行李例牌比美金1,2蚊, 而執房聽說就一人1蚊放枕頭囉! 都係大家開心姐! 隨便啦!!!

講住咁多先.... 出發!!!


中午2:45機....原本! 最後 delay 45mins~ 機件故障喎!!!
7點前到達吉隆坡, 在機場吃個晚餐, 21:50機...原本! 最後約22:15起飛~

哎呀~ 落雨呀!