墨西哥 Mexico - Creel (Day 25)

(早上大晴/熱 - 下午雷雨) Join tour – Divisadero

早餐後本打算自己乘10點半巴士50p往Divisadero睇大峽谷, 但旅館職員又拉客, 原本200p的, 話150p給我~ 如果只去Divisadero來回車費都要100p, 而團可以停自己去唔到的景點~ 於是還價130p, 比30p佢賺啦!!! 成交~ 大約十點出發! 如果巴士行走約一個鐘左右車程......

早上的天氣很好, 藍天小雲, 所以頗熱~ 風景不錯! 沿途停了多個景點, 最後終點是Divisadero的火車站, 約12點多到達, 那裡很多路邊手信店及很多油炸食物小攤檔, 我們在那裡午餐; 參加這團的有2個家庭及一個自己來玩的都是當地人, 只有我跟一個外國女孩是外地人, 他們都很好客, 請了我們吃午餐; 約點半左右便開車回程, 外國女孩坐火車不跟我們回去, 在車上其中一個團友從開車至到達旅館完全未停過說話~ 當然.... 我不知他們在談論什麼? 但他的談話似乎十分吸引, 全程滿佈笑聲!!! 可惜我聽不明... 也不希望他們續句翻譯~ 雖然他們不停的說說笑笑..... 但我仍然能夠不停的在車頭釣魚~~ 哈哈哈... 他們的聲音有吹眠作用~~~~

2點多回到旅館啦! 又係半日行程~ 不過好在早到.... 3點多又開始傾盆大雨~ 明天會去 '芝娃娃', 便索性留在房間執拾行李, 早點洗衫洗白白, 再休息上網等晚飯!!!!!

看看那樹幹....

還以為停給我們影路軋.... 原來唔係~ 自己搵吓有乜其他形神相似嘅野喇!! :P


在火車站的小時, 我們的午餐....

當地飾物及手織滕器

墨西哥 Mexico - Creel (Day 24)

(陰/雨/晴/豪雨...../小熱)

打算早點起來到附近昨天經過的石山, 找一下上山的路, 但早餐連等連食差不多9點半才能出發~ 原來晚上沒下雨, 今天便整天停吓落吓~ 邊度都唔敢去!!! >.<

好在早上往石山那程陽光普照, 否則下山可能要滑下來了~ 上面完全係我嘅世界.... 想點影就點影!!! 乜人都無~ 逗留了2個鐘左右啦! 慢慢落山, 都幾舒服, 這裡早晚是較涼, 但一出太陽便會很熱! 下山後開始斷斷續續的下雨, 時大時細~ 12點多時間尚早.... 見有點藍天便立即飛奔上山頂, 點知去到一半又開始烏雲密佈, 之前幾次都幸運地找到地方避雨.... 今次在山頭野嶺真的避無可避~ 唯有站到大樹下高壓電纜旁邊~~ 好在沒有行雷閃電... 否則便要絕筆了~~~~~ 終於變了半隻落湯雞!!!

唉..... 停雨後立即起程返旅館, 中途也不時出下太陽又落下雨~ 2點多回到房間, 但還未食晏, 記起朋友帶給我的杯麵, 就做今天的午餐吧! 又清一件存貨.... 真高興!! :P

終於搵到上山嘅路
石山的頂
好正~ 真係想點影都得呀! 無人架!!!
途中
開始鳥雲蓋頂喇! 成張'被'咁呀~~
避雨時.... 撞左入一間費屋~ 原來有個燕子巢! 隻燕子飛左好耐至敢入巢~ :P

墨西哥 Mexico - Creel (Day 23)

(大晴/小熱) Join tour - [Tarahumara valley (Cusarare) / waterfall / Arareco lake]

果然好天, 仲係勁好天添~~

8點左右起來, 因為早餐至9點~ 早餐比較豐富, 有例牌無味薄餅, 有好好味, 原本以為係乳酪嘅東西, 有香蕉, 原來還有炒碎蛋及真正pancake加焦糖, 都唔錯!! 早餐後本打算休息一天, 去逛街買野~ 之後再上不遠的山; 但旅館職員問我們跟不跟團, 但要250p.... 當然唔跟啦! 咁貴... 其實都無打算去講價了, 但有一女住客跟他們說100p便去, 原以為差太遠會不肯, 點知最後應承了(回來後去其他旅行社看也只不過120p.... 開250p實在太離譜了~~~), 立刻拿東西起程, 其實他們已遲了很多出發!

一共8人, 先到Tarahumara valley – Cusarare, 很近的, 那裡的石頭形狀特別, 亦是 Tarahumara小數民族的居所, 風景也很漂亮! 再前往較遠一點的waterfall, 仍然屬於Cusarare的, 停車後還要走4百多米山路入去, 但現在水不大, 所以完全不壯觀~ 最後我們到Arareco Lake, 只逗留了20分鐘, 如果要遊湖便要自己步行回去旅館, 因為湖很大... 回市中心約7km路程啦!

回到旅館只是2點多, 出外走走市中心, 買了點東西! 又到巴士站及旅行社問了明天的行程交通便回去等晚餐, 5點多又開始行雷了, 但今天只是乾行雷, 半邊天灰半邊天晴! 真奇怪~~

Tarahumara valley
Tarahumara valley
Tarahumara valley
進入瀑布前
瀑布~
Arareco Lake
在市中心的石山
買左2條手鏈.... 同埋.....
一個唔知係唔係羊皮定係牛皮嘅鼓~~ :P

墨西哥 Mexico - Creel (Day 22)

(陰/小晴/大雨/大雷雨/水浸/涼) Crepe - Copper Canyon railway

心情沉重~~ 此時此刻..... 行雷閃電傾盆大雨馬路水浸.... 雷鳴一個比一個大~ 想嚇死人咩!!!!

坐在床上.... 看著大半落地玻璃窗外的景致.... 無奈!!!! 現在晚上8點左右啦! 這個墨西哥旅程.... 除了想看那些亂石遺址外.... 便是坐這個聞名的火車之旅, 可惜天氣時好時壞..... 中途還下了一陣大雨~ 就這樣完成了整天的火車峽谷遊......

早上鬧鐘竟然準時叫... 不過只是估計的時間, 因為鬧針跟時針已經意見分歧~ 唔肯企埋一齊喇! 所以都只係斷估~~ 酒店姐係酒店..... 唔似'龍門客棧'咁無口齒!!! 準時打電話 morning call 我! 所以今天好順利咁坐巴士去到火車站, 時間尚早唯有耐心等待啦! 火車亦是7點準時開出, 開始至El Fuerte的一段沒什麼特別的風景, 所以最佳是用來補睡, 11點半左右便有工作人員過來跟我們說6,7分鐘後會經過聽不到什麼名字的河道, 之後便很多人開始出去卡與卡之間的位置等影相, 大部份都是本地人, 遊客真的不多! 外面實在多人.... 真不夠當地人的耐力, 一直站著不走~ 最後都係決定返自己的窗口位影算了! 雖然玻璃窗有污點之餘又落了一場大雨, 更加污上加污~ 唯有左就右就的~ 很多靚景都趕唔切就位便飛走了!!!!!! 最後一次通知我們是3點45左右到達的站 'Divisadero', 在那裡會停10分鐘給我們影相, 就係影最出名的Copper Canyon啦! 之後便沒有什麼特別了!

由Los Mochis 出發, 大部份的靚景都在右邊(right); 除非唔開冷氣.... 一開便變了雪櫃~ 好在有帶備飛機毯; 其實坐位都夠寬敞, 足夠放我的大喼.... 係其它位置~~ 偏偏咁啱給我的是最窄那行....SHXX!!!!! 放了喼我的腳便完全動不了~ 好在買隣坐的人見我放喼放唔到腳, 其實車卡唔滿, 便沒有坐側邊的座位了! 實在太好喇~ 除了不用頂腳外, 出入影相也方便得多!!!

火車竟然會早到~ 不到5:30pm便到達, 時間表是1745的~ 在火車上已有火車的職員來推銷旅館, 但那間也是我打算去的, 於是下車便跟了一部van仔去那旅館, 原來只是轉個彎便到, 相信行都不用3分鐘吧! 同車有6人連我..... 大家都覺得好笑!!!

照例要了間私人房, 住慣了感覺較舒服方便和安全, 所以dorm平50p也不要了, 況且只是平50p要同幾個人一齊爭廁所.... 唔制!!!

200p包早晚餐.... 因為無冷氣的, 之前在 Mochis 120p 已有交易, 所以200p都唔算係好平咋!!! 只不過這裡早晚都涼, 無須冷氣! 但在這旅館參加團便不便宜了! 他們開價很高, 未去其他旅行社格價... 所以還未決定跟唔跟團去玩! 而且天氣又唔好.... 考慮下先啦!

出外逛了一會便回去等晚餐, 真的十分簡單, 一個湯二片薄餅, 主菜也只是2片三角薄餅含著芝士再加一點薯蓉和一點豆蓉~~ 算啦! 只係懶得出去四圍搵食, 都飽嘅!!!!!

上房不久便開始落狗糞... 勁咆哮了!!!!!!! SAD........
今晚好落晒佢喇! 明天出太陽.....唔該!!! Por Favor!!!

途中....
途中...
全程自己玩洋娃娃的小女孩
途中...
在火車站賣手工藝的Tarahumare民族小女孩
停十分鐘...咁大把比我地影相嘅Divisadero
Divisadero
Divisadero
從旅館看到的街景
小得可憐的晚餐

墨西哥 Mexico - Los Mochi (Day 21)

(陰/熱)

9點多乘5p巴士往火車站買明天的車票, 數分鐘到達; 去Creel要467p 經濟車, 只有星期二五日有車, 但豪華車就每日都有, 不過貴一倍有多~ 只是快了點到達... 小了點站... 多了點 local ...算吧! 經濟車可以了! 參考了網上的意見, 買了右邊的窗口位, 希望不會失望啦! 但天氣好像轉差, 天氣報告出了壞消息~ 所以..... 就算風景好也沒用! 因為天氣唔好!!!! >.<

在火車站碰到2個外國人, 看他們帶齊行李坐在門外, 好奇的問一下! 原來他們受了LP的欺騙~ 他們向我投訴裡面的資料是豪華及經濟也是每天有車的, 還給我看; 的確如此.... 但心想~ 莫非他們是剛開始用LP的???? 否則一定不會如此深信這本天書!!! 對我來說它是一本很好的 '參考書', 但絕對不是一本資料準確的書, 因為他們大部份資料都不會更新的~ 相信那2位遊客受了今次教訓, 以後應該會懂得如何使用LP吧! (如果佢地知我咁講.... 一定會殺咗我!!!!) 哈哈哈..... 他們是坐的士去火車站的, 但司機跟他們說沒火車他們不相信, 而不幸地..... 酒店職員竟也沒有提點一下他們, 只是幫忙CALL的士.... 莫非有佣收??!!!!

之後他們跟我一同坐巴士回市中心, 也住進了我的酒店, 只是360p一間房~ 所以只需每人180p, 真 便宜呀! 我就要300p.... 不過一個人住晒, 很自由又舒服!!!! 哈哈.... 又QQ發作喇!!!!! :P

本打算再去一個公園逛逛, 但碰到他們後直接回了酒店, 安頓了他們再去超市買明天在火車上的食物, 回去也只不過剛剛中午, 又再上網啦! SKYPE跟朋友聊天....差不多2個鐘啦!!! 哈哈......好在係PC對PC姐~~

今晚要早瞓, 因為明天要乘5點半左右巴士去火車站, 雖然7點車, 不過售票員叫我6:30am到, 又不知會否多人乘巴士, 唔想搭的士呀~ 所以..... 都係早d去到, 寧願係火車站內等也不要趕!!!

不過... 鬧鐘有問題...... 唯有搵 receiption 幫忙明天 morning call 我啦! 不過都好擔心, 怕佢地會唔記得~ 之前係馬丘比丘都試過.... 要我趕餐死! 仲做錯左一個小小的決定添 ~~~~~~~~~~~

今日只去了火車站... 所以只得一張相~ :P

墨西哥 Mexico - Los Mochis (Day 20)

(陰/晴/炎熱)

決定邊樹都唔去.... 留返係Mochis等星期五的火車往Creel~ 其實Mochis已沒什麼地方好行, 所以開電腦上一下網, 十點多才出發往不遠的Cerro de la Memoria, 但也要乘巴士前往.... 因為太熱唔想行喇~ 不慳這10p來回的錢了!!! 到達後還要走一大段路~~ 再上一小段石級才去到半山看一下市景.... 可能看多了.... 沒有驚喜! 也不夠高!!!!

乘車回到市中心, 再找一下明天打算去火車站買票的巴士 (72 Chamizal), 在側邊買了一杯街邊小販自製的鮮咋果汁+水+冰(佢地話係鮮咋喎!), 見了很久.... 本來唔打算試~ 不過見人買又好想飲! 只不過6p大大杯, 決定買黎試下.... 又真係好似鮮咋喎! 仲有果肉添~ 只不過加了水同冰.... 唔知有無加糖呢??

回酒店途中給百貨公司的30%...40%吸了進去.... 還買了2件T-shirt, 不用港幣50~
回去立即把它們洗淨, 看看如沒問題.... 明天再多買一件~ 很平嘛!!!!! 房間冷氣一早開了, 所以一開門便有陣陣涼風吹至!!! 開了電腦上網做一下功課, 回到香港便不用那麼忙了~~ hahahaaa...... 但房內接收wifi很差, 尤其今天不繼的斷線~ 很煩! 做吓...等吓...又停吓! 於是便摷晒所有零食出黎清一下倉! 嘻嘻... 還有合桃提子乾同朱古力! 是之前托友人帶來給我慰藉一下對香港食物相思之苦的~~~ ^0^

其實一向沒有吃零食的嗜好與習慣..... 不過坐著乾等很無聊..... 少吃很滋味呀!!!!! 今晚仍然打算去那間快餐店食晚飯, 味道唔錯嘛~ 亦唔想試其他了...免得又係貴夾唔好食的!!! 除了外出晚飯, 應該唔會有其他節目了! 可以早點休息喇!

真係無乜特別... 又唔夠高~~
慶典的面具
博物館內的展品
我的戰利品~~~

墨西哥 Mexico - Los Mochis (Day 19)

(大晴/勁熱)

9點多.... 先到旅遊中心 " i " 問一下火車資料, 這間" i " 十分隱蔽~ 搵極都搵唔到? 明明到了LP地圖指示的位置~ 唔通又係錯嘅??!!! 最後要問大廈內的職員, 再由職員帶去才找到~~ 原來位置應該沒錯的.... 但完全沒有指示牌, 而且是在大廈裡面~~~

問了將要乘的Copper Canyon列車資料後, 那小姐介紹了Topolobampo及El Maviri兩個不遠的地方, 在附近有巴士前往, 反正沒什麼特別行程, 決定過去逛逛, 先往Topolobampo, 在那裡逗留了2個多小時, 那是一個沿海小鎮, 沒有太多人跡~ 到那裡一般是租船出海看海鳥及海豚, 不過我沒有打算租船, 只想四處走走及影相!

回到巴士站再轉另一部巴士往El Maviri, 那是一個更小的沙灘小村落, 可以在那裡吃海鮮; 乘的巴士只有我一人, 司機懂一點點英文, 行車途中不斷轉頭來跟我談天~~ 因為機器很嘈吵, 常聽不到我的回覆!! 不知從那裡抽了一張小小的圓櫈, 要我坐到側邊~~ 差不多到達前他突然剎車, 指著後面的不知什麼, 完全聽唔明, 再跟他到車尾看.... 原來那裡有個蝙蝠洞, 很多蝙蝠正在裡面飛來飛去... 起初看不到還以為有什麼東東? 他還開門示意可下車影相!!! 如果不是後面剛有其他車開到, 相信他有可能叫我入去山洞影相!!!! 後面的車不停嚮咹~~~ 司機給我做個鬼臉便立刻跑回去飛車離開!!!!

過了橋便到達目的地, 若不游水....那裡是不多地方逛, 不用一個鐘便遊覽完畢, 打算搭每小時一班的巴士回去, 還以為會遲不會早.... 在中途看到有巴士到, 想他會等到整點才開車吧! 點知真的不見有人便走~ 跑了數步但還是追不到, 他也看不到我揮手~~~ 哇!!!! 要再等下一個鐘 ~~~~~~~~~~~~~

那裡其實有數間大食店, 唯有坐到站邊的一間食店內等下班車, 那店主也沒有理會我; 中午天氣十分酷熱, 風是有的... 但時涼時暖時熱~ 令人很想睡覺! 坐著乾等, 外面又有人播著音樂.......除了熱之外.... 還算很舒服!!!!

巴士終於來了! 有一家當地人來游泳, 原來尾班車是6點, 這麼早?! 司機再三叮囑他們注意時間後便開車, 又係只得我一人, 又係到山洞司機又慢駛給我影相, 為了不白費他的一番心意, 唯有.... 再影多次啦! (其實係影唔到架~ 因為外面太光裡面太黑.... 在相片中什麼也看不到!!!!!) 他見我不停影相, 便時慢車時開門.... 哈哈哈.... 真係知我心意!!! ^0^

回到巴士站, 跟之前一樣又要轉車才回市中心, 又再回去昨天那中國快餐店吃晚餐, 真的不錯喎!! 回酒店收拾行李, 準備明天往另一個目的地!

好多人自駕來這裡影相 (當地人)
全部都係舊船
好似唐鵝, 但係體型較細小

剎車叫我去影相嘅好心司機~ :P
El Maviri 的小沙灘

墨西哥 Mexico - Los Mochis (Day 18)

(大晴/好熱)

本以為每小時一班車, 原來去到巴士站又唔係?! 問了時間立即回對面酒店搬行李, 7:30am有車往Los Mochis, 273p, 約6小時車程; 行李已入了車箱, 人也上了車, 開了冷氣很舒服, 還以為econ也這麼好!!! 但還未完全降溫已給司機叫下車..... 原來這班車不是往Mochis的.... 8:15am才有車去, 唯有又將所有行李搬落車~ 好在酒店在對面, 把大行李搬到那巴士公司的售票處, 再回去房間涼冷氣~ 等到差不多10分左右才回到巴士站去! 再來的車真是econ的款式, 哈哈! 但位置二十分之寬敞, 只是舊了點! 今次沒有錯了.... 放了行李, 又話要去洗車~ 無辦法, 唯有又再等! 又熱又無冷氣... 連風扇也沒有~ 一等便差不多9點~ 唉... 好在不用再搭多少程巴士~~

終於開車了! 但坐了不久, 有海關上車查証, 跟他說了中國籍, 惡夢便開始了~ 他說中國要簽證... 但我是BNO! 立即跟他說英國不用簽證的, 跟著他便不停的把玩我的護照, 左揭右揭把證件也弄'巢'了~ 好在他沒有用他的'燕窩'~ 否則就....... 他不厭其煩的問了很多來幹什麼? 有無工作? 是否自己公司?? 會否去美國? 為何住之前的酒店??? 為什麼去智利???? 最後是我要下車... 不可以立即走~~ 哈! 那之後如何走???? 他說之後的交通費不用我付~!!! 那全是車上的另一位懂英文的當地人幫忙翻譯的~ 那關員說 : PROMISE (但我從來都不信他們.... 心想可能又是要錢的把戲!!!), 沒辦法... 唯有又執包袱下車, 取了大行李, 那鬼東西又跟司機嘰哩呱啦的談論我的証件, 又對相片又將証件舉向太陽像照雞蛋的不知照什麼??? 但看司機的表情動作一切問題的回答都是 '沒問題' 的, 那幫忙翻譯的先生也下來一齊討論~ 唉! 不知他們議論什麼, 唯有站在一邊乾晒! 烈日當空... 完全係晒咸魚的感覺~~~ 終於有結論了.... Senorita (小姐) : 妳可以上車了!!!!!!! xyz$%&*@### ..... 攪了足足半個鐘, 最後還是給我走! 真係唔好彩.... 遇上他!!!!! 上車後, 那些公公婆婆竟然向我敲掌?!!!! 哈哈哈.... 都唔知比乜野反應好?? 唯有....Gracias! (謝謝)

原本8:15am的車.... 又遲開, 上車檢查也有2次, 下車查行李一次, 中途車壞了要轉另一部車一次, 壞了冷氣又要停車修理一次.... 最後, 5點半左右才到達, 足足9個多小時~~~~~ 好在去到還未天黑!!!

巴士停的站都不是LP地圖所指的位置, 走了數條街才到達市中心, 沒有去原本想住的那間酒店, 照例在中途找了另一間, 300p比之前的又貴了50p, 但實在藍天無雲, 又焗又熱再拖著行李四處走真的十分痛苦, 反正LP提供那酒店的價錢跟這間差不遠, 而且那可能只是舊價, 現在加了價也不定, 決定租下, 放好行李已6點多了, 先去找往El Fuente的巴士站, 問每個人給的地點都不同???! 唯有邊行邊問啦! 最後原本只是在酒店的附近~~ 唉!!!!

其實已很肚餓, 早上只吃了conflake加奶, 在車上只吃了一點朱古力及餅乾~ 是時候醫肚了! 找了一間果汁店, 叫了一杯又係鮮咋橙汁啦~ 不過這裡的橙汁較淡, 沒有之前東南部的甜美~ 本打算遲一點才吃晚餐, 但在接近酒店途中看到一間中國式快餐店, 亦不昂貴, 29p有一碟飯加一杯飲品(味似酸梅湯), 試一下吧! 味道也不錯! 可能...... 我肚餓~ 饑...... 不擇食!!!!! 再逛超市後便回酒店了! 8點左右才開始日落!

行車途中
唔知點解架車會有指彈殼???
我的中式晚餐, 味道都唔錯架!
開始日落

善忘!!! (新網誌...開張大吉!!!)

習慣用硬體記憶的我... 忘了記下用開的網誌密碼~ 所以....
但看見別人在 Google上的網誌也不錯, 決定另起爐灶....
不過..... 好像遲了點點! 嘻嘻~~
又要重新摸索一番.... 唉~ 電腦白痴~~~

旅程已將近完結, 我現在位處於二十分炎熱的地方, 還是偷懶一下....
回酒店上網休息, 連喜歡的日落也不看了~ 其實.... 只是天色不夠昨天的漂亮.... 乘機啦!
又因為往後的地點會較鄉村, 恐怕未必找到便宜又有wifi的旅店了!!!

寫住咁多先.... 未知點 day back 返之前的日子去寫??? 比d時間我~~~~ :P

墨西哥 (Mexico) - Mazaltan (Day 17)

因為住巴士站附近, 這裡巴士站去市中心要乘巴士, 車頭有centro的大字, 不過一般唔理3721走上車去問~ 方便快捷!!!! 只需數元pesos!

又係教堂啦!

沙灘

無程程圍左個大池係海邊? 不過唔係就遊唔到水.... 因為好大浪!!!

白色那條是樓梯!

很多童話故事及神話銅像!



很喜歡牆壁上的美麗塗鴉!