原本打算乘11點多的火車前往桃園($72), 點知聽錯買左10點幾的, 得20分鐘收拾, 9秒9回酒店退房回火車站, 哈哈! 超快呀~ 仲有十分鐘左右剩!!!
一個小時左右到達….. 嘩! 大雨~~ 北部天氣真的很差!!!
下火車後取防水褲穿上, 本想找旅遊中心放下行李再慢慢找旅館, 點知又係無嘅?! 反而要中壢那邊才有; 看到警局想行個方便啦! 點知又話唔得~ 驚喎! 唉…. 回到城市真係少好多人情味~ 明嘅!!! 唯有一家大少…寒雨交迫咁去搵地方住啦!!! 在十分猶豫之下搵到一間最平都要$800的旅店, 又唔包早餐又無得係房上網, 出盡8寶才可集齊兩樣! 唉~~~~ 如果唔係落雨一定去搵其他!!!
落雨都無乜好攪, 這裡勝在有3間大百貨公司~ 係時間去完成’老細’交帶要做嘅嘢喇~
因為唔知機場有幾多選擇…. 都係買左先啦! 掃完貨, 放回旅店時間尚早, 便乘火車前往中壢($15), 好有大陸感覺, 沒什麼東西好看, 又沒有什麼特色商店, 最重要都係....落雨~~
今次買比自己, 買左一件冷帽同一對防水防風手套, 加埋都係幾十蚊港幣! 6點多回去, 在某某百貨公司地底食了簡單又清淡的晚餐, 又回去上網休息, 明天要早點去’花博’, 希望好天啦!!!
