雖然這個活動的發起人是我, 但因為要出發前才回到香港.... 所以差不多完全沒有參與計劃~ 總之.... 感激總代理啦!!!!
我們幸運地選擇了日元有史以來(是吧?!)最高企的日子出發, 8.2x...... 死未!!!!!
這趟行程二十分之順利, 只是不知誰是貴人..... 全程可以說是三份二時間都落雨陰天加大霧~~ 相信.............. 大家將來已有足夠借口再多去一次花田自駕了!!!! hahaaaa...
因為不是自己計劃, 又加上天氣不好, 所以沿途沒有多記下資料, 所以只能分享一點點, 詳細的要留待其他組員出手了!!!
24/7 (五) 札幌 (陰/雨)
坐大韓 (HK$5400), 24號凌晨機出發, 早上5點左右到達韓國, 再要等十點多機飛千歲; 機場人不太多, 佔了一行位睡覺!
中午到達千歲, 去日本.... 我的習慣不寄倉, 背著7.6kgs四維走! 先乘JR往札幌站 (1040 yen), 再轉地下鐵往大通(200 yen); 我們分了3批人出發, 約了在酒店集合, 很巧地.... 大家都在途中及酒店已碰上, 不用再多等, 真是太好了!!!
放下行李便出發, 今天的活動是看花火祭; 不趕時間, 所以慢慢的步行去, 中途去了中島公園, 其實頗遠, 到達時不很多人, 日本人都很守秩序, 他們全都坐在草坪上等花火盛開!!!
中島公園
花火祭現場
25/7 (六) 余市/小樽 (雨)
今天開始租車(123,900 yen 9日), 一輛7人車也頗鬆動, 把行李全塞滿後坐最後的小小行李位, 雖然有2個大喼, 但剛剛夠放! 可算是舒服啦! 可惜租不到可播ipod的車, 只得5隻CD, 所以回香港後, 大家都應該識背晒所有歌喇~~ 除左西文果d!!!!!
大家一早去二条市場食完海鮮早餐後便出發往余市, 先去余市蒸溜所Nikka Whisky試酒~ 再去果園放題~ 放什麼..... 是車梨子呀! 不過..... 唔係好多甜嘅! 九百幾YEN, 真係唔係好值~ 不過算係去玩吓啦! 擔梯摘生果都幾好玩嘅!!
之後再去小樽, 下午開始有小樽潮祭直至晚上, 再驅車回札幌, 佢地食"肉排"放題, 煙燻5隻小豬~~ 我都係避之則吉好了!!! 晚餐便利店~ :P
二条市場
我地嘅7人車
總代理採摘車梨子的美態!
酒呀!!!!
小樽潮祭26/7 (日) 北竜町/美瑛/美馬牛/南富良野 (陰/雨)
今日去左好多地方, 睇向日葵啦... 花田啦... xx樹啦... xx木啦!!! 最精彩係晚上湖邊的花火~ 好近... 好近.... 但很可惜~ 下大雨!!!!!
太陽森湖祭, 在南富良野, 因為下雨, 看不清湖的真貌, 所以明早再去看一下才走! 反正有車嘛!!!
27/7 (一) 上富良野 (陰/雨/小小小晴)
28/7 (二) 中富良野/富良野 (陰/小雨/小晴)
今天有 '肚臍祭', 5點開始, 8點半完! 其實好多祭典都係來來回回數次的巡遊表演, 下次一定唔會留到完畢至走~~~
29/7 (三) 斜里 (陰/雨)
再去知床, 上次原來行了5次.... 還以為只是3次~~~
也是住YH, 因為四周荒蕪, 所以訂了YH的晚餐, 但超貴~ 2500yen!!! 不過有得睇表演, 就係劏三文魚, 因為哩餐係食 '三文魚幾味' ~ 其實都幾好味.... 只不過貴左d啦!!!!
30/7 (四) 斜里/羅臼/弟子屈 (雨/霧/小晴)
今天的行程 : 知床五湖 (簡直係霧鎖五湖~ 不特止.... 仲封埋3-5湖~ 因為有 '熊出沒'.... 咬花熊出沒~~~~~) / 羅臼湖 (都係附近.... 所以....) / 摩周湖 (開始好天...) / 屈斜路湖
31/7 (五) 網走/釧路 (晴/陰/霧/小雨)
最開心今日, 好好天, 補返上次比鬼咁貴參加個旅遊巴團... 但全程都大霧又落雨~~
硫磺山 / 摩周湖展望台 / 美幌峠 / 阿寒湖 ..... 正呀!!! 不過..... '釧路市濕原展望台' 就好大霧, 但係要付費才可以入去展望台的!
不過去到釧路市就非常之大霧~ 晚餐食爐端燒, 都幾好味! 不過.... 貴!
01/8 (六) 帶廣/苫小牧 (陰/晴)
敝喇! 唔記得左邊日最長車程添?? 好似係今日~ 夜晚9點半至到.... 呵呵呵~~~
早上去左 '和商朝市' 食早餐, 再去 '花畑牧場' / 幸福駅 / 愛國駅... 等等等等~
因為要趕車, 高速行走140咪~ 至可以9點半到! 不過..... 千其唔好學!!!!!!!!!!!
02/8 (日) 定山溪/札幌 (陰/小雨)
好喇! 最後一日... 明天便要走了! 今天行程不多也不趕, 所以可以慢慢玩~ 不過.... 平淡的行程最後加點火花! 哈哈.... 有人140咪無比人抄.... 75就被人捉到正!
加插節目.... 都好嘅~ 司機揸左咁多日, 都應該又累又悶, 比d 刺激佢都好嘅!!! :P
攪左好耐, 因為要去警局影印証件~ 還以為臨尾都要破才至走得.... 點知原來只係記錄及警告, 最後放我地走~ 呼.... 有驚無險! 下次唔好喇!!!!!!!!!!!!!!!!
車行收舖前要還車, 去到札幌又落雨~ 真係我地走果日至開始好天~~~~~~~~
各自去shopping, 之後再一齊去晚餐!
03/8 (一) 完成有史以來天氣最差的旅程!!!!!!!!!!
好! 早上最後沖次~ 去 '札幌場外市場', 可叫酒店訂市場內店舖的專車, 免費去市場; 買同食左少少野啦! 嘻嘻!
2點幾機, 去到機場, check-in完後立刻去入貨, 因為今次要奉命買野食返屋企, 要盡情掃貨~ 嘩! 買野真係好鬼開心呀! 不過完全無寄倉.... 真係攞餐死!!!!!!!!!!!!!
(今日d 相無晒.... 可能delete錯左~~~~)
哈哈! 成年前開始計劃的行程終於可以完成了! 行程好順利, 亦玩得很開心! 多得總代理的妥善安排, 無言感激!! 只是天不做美, 莫非要我感受雨霧的浪漫??!!! 我..... 未做得到呀! 我還是喜歡陽光哥哥!
心情跟著天氣走..... 所以全程都沒有多大心情記下行程! 今次.... 只能分享一點點不很漂亮的相片! 出發前還發現相機入了一粒勁大的塵~~ 唉........
好啦! 再見北海道! 真不知何年何月何日再可相見! 各位團友, 你們已有足夠的理由再去花田自駕了!!!
全程好似用左 .......... 約HK$13,000 左右啦! 機票+所有洗費+手信!
其餘的相片 請按 --> 這裡
