行了2天有點累, 今天本打算再行一些短線的, 但早上下雨, 雖然現在中午已很好陽光, 但看見外面的長草也吹得全塌了下來, 又係勁風亂吹~ 都唔知時間點過....
今晚係23:25分的車~~~ 執相都執唔到十幾小時啦!!!! 所以決定三點去行另外兩個易行的山, 先去 Las Aguilas, 約需一小時, 2km 100m高度; 之後回頭再轉去 Los Condores, 45分鐘左右, 1km也是100m高度; 兩處風景都不錯, 值得一去! 差不多行到5點多便回去煮晚餐, 再睇埋 hostel 播的電影, 十點半出發, 那些碎沙石路真的完全拉唔到喼~ 好在行不遠又有貴人突然停車問我的去向, 當然一個箭步... 連行李也不理了~ 拿出地圖馬上表明去向, 其實巴士站不是太遠, 但若真的要拖過去, 恐怕它真的會命不久矣~ 那.... 真的不知怎辦!!! 沿途也有幾位外國旅人, 他也順道一併叫到車尾去, 哈哈哈.... 原來好人真的是無處不在的! 因為有順風車, 所以早了很多去到巴士站, 吹著寒風, 還以為要在外面食風當宵夜, 點知剛放下行李, 又有另外一些人叫我們到側邊的一間小餐廳, 原來那裡有間外置小密室, 密不透風, 本以為好了... 不用在外吹風, 又點知.... 原來最少要飲東西才可以在那裡坐~~ >.< (如果飲野.... 就坐餐廳啦! 有火爐添... 洗鬼坐外邊喎!!!) 為了慳一杯飲品的錢, 決定走人~
那時已差不多11點2啦! 心想多等十多分鐘便有車啦! 於是便把所有行李都搬到馬路邊去, 準備車一到便立刻上車啦! 點知等了又等.... 等呀等.... 差不多遲了一個鐘才到~~ 在那裡呆站著差點變了雪條~~ 人越來越多, 當然全車滿坐啦! 如果唔係就唔會買唔到星期六的車票了~~~~ 開車已是凌晨時份, 不久便全車入睡..... 除了司機啦!!!
