去馬來西亞+泰國, 陽光海灘地方, 緊係要去潛水+浮潛啦!!!
今次主菜係 Koh Lipe, 屬於 泰國 一個小島嶼, 點解唔係由泰國去嘅?
因為由馬來西亞的 Langkawi, 只需乘3個小時左右大船, 或1小時左右快艇便可到達; 但若從泰國前往好像要左轉右轉的, 我也沒有去找資料了~ 況且正直泰國剛嚴重水浸完畢, 所以還是決定由馬來西亞去吧!
又係坐晨早機出發, 乘馬航經吉隆坡到達浮羅交怡, 住一個晚上, 明天早上到 Kuah 碼頭乘大船(慢船)到 Koh Lipe, 在船上看了一套沒有想過去看的電影, 就係 變形金剛, 哈.....原來都幾得意喎~ 播唔晒就到達, 希望再有機會睇返啦!
好好天! 到達後要轉 long tail 到沙灘, 一般要收 50b 的, 但這趟接駁不用收錢! 海水好清, 清楚見到海底的石和珊瑚!
到達沙灘後, 因為是由馬來西亞到泰國, 所以要先去辦入境手續~ 唔係等左好耐, 辦完手續已經有酒店職員等緊接我地入去!
5分鐘左右去到啦! 在最北端, 酒店位置很喜歡, 高高在上看到下面漂亮又清澈的一片沙灘與海!
其實由北邊回到南邊不近, 但當然步行也不難, 但酒店有免費車出入walking street, 最熱鬧的地方! 晚上十點前也可叫車, 但不很方便, 因為不是隨傳隨到~ 比起在碼頭邊住的....出入真的不方便~ 但我真的很喜歡那裡的環境!
今次目的是玩水, 所以放下行李便第一時間去報明天的潛水團, 一切辦妥, 只等明天!
可惜.....天氣話變就變, 不知為何接近晚上突然起風, 真的十分大風, 但明天一定要出發!
雖說只是大風有點浪沒有下雨, 但總沒有風平浪靜來得好玩~
一天團有2個dives, 第一個照例不什可觀, 可能只是給我們熱身, 第二個便好很多了, 可恨是控制浮沉不很好~ 而mask又常入水, 不能好好的欣賞及享受整個過程~~
本想多玩一天潛水, 但感覺有點累, 所以決定明天全日浮潛, 因為那裡的海灘水不深, 若沒有風浪應該非常不錯的, 而且在酒店上看到清晰的水底, 所以一定要預留一天玩浮潛!
唉.... 一日之隔, 風平浪靜風和日麗!!! 好好天呢~ 因為早餐至十點半, 所以十一點左右已可以去玩了! 全副武裝....皆因今天太陽超猛!!!
終於玩到差不多4點才很不願意地上水~ 因為.....肚餓了! 今天的浮潛日完滿結束~ 其實只是剛開始玩浮潛, 這裡是個人所見最多種類珊瑚的一處, 但魚類就不多了, 但勝在平靜和舒服, 真係唔捨得上岸~
朋友又變了燒猪! 我便防晒衫褲著齊~ 本以為保護周全....點知還有漏洞?! 下次真係要著埋潛水襪.....包到密密實實至得!!! 我燒焦了7cm~~~~
對我來說這個行程算是完結, 但因今次也是 join package, 是4日3夜的浮羅交怡套票, 之前已用了1個晚上, 還有2晚要回浮羅交怡住, 若不是限定了.....一定留 Koh Lipe 多天~
回到 Langkawi 沒有什麼地方想去, 本來打算租車環島, 但找不到很多想去的地方, 只想去乘 cable car 及看吊橋, 所以最後便乘的士前往算了, 省去搵路的麻煩, 舒舒服服坐車去!
今天坐了數趟的士也只不過100R, 跟租車也差不遠! 如租車+入油相信差不多啦!!! 玩完無意中走了入 Underwater World, 咁就順便去埋啦!
就這樣便真正的完成整個旅程, 明天坐午機回家去, 但到家竟是凌晨12點多~~~ MY GOD!!!!
