時間過得太快喇~~~

哈....話咁快已經過左3日? 唔知點解jet lag嘅時間咁得意?? 哩兩晚7點前已經好眼瞓~ 前日真係7點走左上床...點知半夜3時幾醒左~ 無理由起身架! 最後曲到5點左右都係要起身~~ 都好嘅! d野有排執, 就早d起身開工啦!!!

其實已經不停咁執..執..執..., 一入屋發現有些東西發莓...香港真係咁潮濕??!! 將新年大掃除改左去7月5號~ 又估唔到可以咁快手, 半日攪掂! 本來只係打算清睡房... 捱左二十幾個鐘飛機, 要瞓返覺好嘅!!!

昨晚跟朋友吃飯, 十點幾至返到屋企, 但之前已經好眼瞓, 不停放蚊...不過朋友話要將時間較返啱...唔準早瞓!!! 嘩~ 真係好累喎! 完全牛頭唔答馬咀~~ 哈哈...唔關我事架! 係你唔比我瞓咋~~~ :P

今日正常點...不過都6點左右醒左! 好慘~ 無得上網, 之前取消左唔記得...所以都唔記得搵朋友幫忙回來前開返~ 唯有去會所上啦! 山長水遠...好唔方便!!!!

唔知今晚會唔會又7點前眼瞓呢??? 嘻嘻...咁連晚餐都可以慳返啦!!!!