2011年1月29日星期六

破財....擋災~~~

剛剛踏入2011年, 點知就係一個無離頭嘅情況下, 雙手奉獻左千幾二千蚊比個3唔識7嘅人!!!!!!!!

天呀~~ 估都估唔到哩d戲劇情節會發生係我身上..... 真係每個人都有霎時愚蠢! 以我咁視財如命嘅人, 從前... 真係成個月都瞓唔著~ 回家還會大發自己皮四呀~~~

不過年紀大左, 經歷又多左, 我諗.... 比一個禮拜時間我啦! 我會盡快放低佢嘅! 既然都無得返轉頭... 亦無機會攞得返... 就當破財擋災啦! 我破財.... 老兄~ 你就好好咁幫我擋足最少哩一年嘅災喇! 哈哈! 我至少精神上唔會比你好過架! ENJOY!

唉.... 發生此事的隔天, 又無端端看到報章刊載運程, 點知擗頭第一句就係話我今年會破財!!!!!!!!!!

Believe it ..... or not!!!!

2011年1月14日星期五

乾....塘!!!

叉叉叉..... 唔係我呀!!! :P

又閒遊城門, 今次帶埋收音機去.... 好似公公婆婆行山咁~ 哈哈哈! 真係近喇~~~~ ^^

又係去我好鍾意嘅位置! 嘩.... 去到見到乾塘得幾犀利喎! 退左好多吓~ 感覺好荒涼! 不過就走左好多大大舊嘅石頭出黎, 影相都唔錯播!!!

又係無其他人, 真係舒服! 唔知點解之前幾次都唔覺有咁多飛機係上面飛過, 唔通改左冬令航線??? 今日不停見到佢地係頭頂飛, 無平時咁寧靜喇! 剛剛個月亮都係附近, 咁就影下月亮加飛機啦!

影影下又日落喇~ 興之所至.... on the way咁去埋大帽山, 都好靚吖! 不過就大風左d~

A Beautiful Day!!!

2011年1月13日星期四

最大彩色星空圖....

最大彩色星空圖曝光

像數逾萬億可見三分一宇宙

(明報)2011年1月13日星期四 05:05

【明報專訊】天文學家昨公開迄今為止最大、最詳盡的彩色星空圖。此宇宙圖由700萬張各280萬像素的影像合併而成，總像數逾萬億。若要以最大解像度觀看圖象，要50萬部高清電視才能盡覽無遺。這幅史上最強的高清天體圖，將有助專業或業餘天文學家探索宇宙，成為追星者的寶藏。

這星空圖拍攝計劃，由斯隆數碼巡天計劃（Sloan Digital Sky Survey，SDSS）在1988年展開。天文學家將合共擁有1.26億像素的全球最強數碼相機合成裝置，置於美國新墨西哥州阿帕奇岬天文台（Apache Point Observatory）的2.5米口徑望遠鏡進行拍攝。

50萬部高清電視可盡覽

新宇宙圖在西雅圖舉行的美國天文學會會議公布，展示銀河系的南北半球影像。圖片的每個像素，蘊藏了3萬億分之一個宇宙的資料，紀錄5種顏色光線，包括綠色、黃色、紅色、深紅及深藍，令天體的位置、顏色及形狀更精確。當局如今已拍攝三分之一個宇宙，助天文學家發現近5億天體，包括星系、恆星、小行星、類星體等。

免費公開「科學史上最大贈品」

因SDSS資料免費公開，成了民間科研項目Galaxy Zoo的主要資料來源。Galaxy Zoo的25萬志願者，已協助分類數百萬個星系。利用有關圖像，以及Google Sky等網上工具，亦有助各界人士「漫遊宇宙」。無論是專業天文學家還是業餘愛好者，都可望有新發現。參與有關計劃的英國朴茨矛斯大學天文學家托馬斯（Daniel Thomas）說：「新宇宙圖是科學史上最大的免費贈品之一。像1950年代的帕洛瑪天圖（Palomar survey）計劃，如今仍被天文學家用作參考。科學家期望，新宇宙圖的壽命可與之媲美。」

將以數據製宇宙3D地圖

新宇宙圖包含的星體，是帕洛瑪天圖的10倍，資料可供天文學家研究數十載。當局將以有關數據，量度數百萬個星系的距離，製作宇宙3D地圖，了解為何宇宙擴張的速度愈來愈快，甚至量度全宇宙由多少暗物質構成，解開暗物質之謎。

http://www.sdss.org/
http://www.galaxyzoo.org/