南極出現極罕有「血雪」(轉載)

南極理所當然係冰天雪地白茫茫一片，但近日南極地區林德斯島（Galindez Island）就出現極罕有嘅「血雪」！只見周圍雪地、冰牆都染上大堆血紅色，甚至有血紅色液體流於雪地上，唔講以為有人於雪地上打獵。

由海洋學家Andrey Zotov於當地拍低再放上網，專家話血紅色嘅係「極地雪藻」，於冬天會冬眠，只有陽光充足，溫度令雪地融化，出現多餘水份就會喚醒雪藻，並極速繁殖，呈現出血雪呢個罕有景觀。

專家認為血雪出現代表氣候上升情況急速惡化，而且血雪一旦出現，會同時令雪地加速融化，形成一個惡性循環。原來上個月2月13日天氣探測儀於南極西摩島錄得高達20.75度高溫，成為南極首次單氣溫超過20度，情況令人非常擔心呢！

 

南極地區林德斯島（Galindez Island）就出現極罕有嘅「血雪」。

 

唔講以為有人於雪地上打獵，留下鮮血。

 

血紅色為「極地雪藻」，會加速冰雪融化速度。