第一次到這麼寒冷的地方, 當然帶盡所有禦寒衣物啦! 買... 都買了不少~~ 真的從頭執到落腳! 我的習慣一向有多無少的.... 所以出發時行李加起來也有二十多公斤~ 分享一下在這旅途中所用過的衣物吧! 個人習慣當旅行時便會即時介除潔癖~ 尤其在這麼凍的天氣下更是什少更換表面的衣服, 當然貼身的除外, 這就看個人要求了!頭方面 : 保暖帽是必需的 , 要蓋耳的 , 我帶了2件.... 用盡 ; 太陽眼鏡(防雪防UV) ; 面罩(但未想到那一款可在呼吸時不會影響眼鏡的?) ; 頸巾可有可無(帶去都未用過, 解釋在下....)
身方面 : 保暖透氣薄內衣一件(長袖) ; 中厚毛毛FLEECE一件 ; 薄羽絨一件(需要時穿) ; 防風防水類似CORE-TEX一件 ; 因全部衫都可以拉鏈到頸上 , 包晒頸 , 所以跟本用唔到頸巾~
[以上除了FLEECE同羽絨看冷熱度而穿外.... 其餘2件都未離過身 ~ 除了睡覺 !!]
手方面 : 雪手套一對(我有用); 薄的保暖手套一至兩對啦!
腳方面 : 我無有膽的雪褲~ 但分了2條, 一條有絨底的輕度防水褲, 外面再扲一條薄的雪褲, 著足全程!!! 保暖襪2-4對啦!
鞋方面 : 我們都在大陸網上買了一對名為ALASKA的保暖中靴, 著行山鞋出發, 去到阿拉斯加即換, 又係著足十幾日, 最後玩到完全入晒水~ 因為D邊位爆晒, 不過只係幾十蚊貨仔, 都無乜要求~ 不知為何最後在呎多厚雪下入水, 但又不覺太難受, 可以忍到最後出機場至掉....著返行山鞋!!!
點解唔早D換? 因為覺得行山鞋唔適合行雪地.... 亦唔想弄濕埋最後無得更換!!!!
以上衣物其實唔係好多 , 但大部份時間都已足夠 , 或可多加一件薄FLEECE , 另外要不要帶後備就自己決定喇 ! 那只是我當時體質的需要 , 只給參考 !!! (其實太多衣服是穿不下的 , 以上全部穿上已成了隻糉 ~ 雖然我極度怕冷 , 但我多帶的羽絨也從沒穿上 ?! 個人感覺有件超保暖的外套最好 , 內外溫差大 , 可方便除和著 !!
其他物品 : 如雨傘 (下雨下大雪時都有用) / 相機防水袋 (下雨下雪時可用) / 暖水袋 (等極光時抱著暖好多) / 腳架 (影極光必備) / CD's...MP3 (駕車時用) / 暖水壺 (可以在旅途中暖暖胃) / 零食 (美國貴~~) / 指南針 (可能有用) / 潤膚品 (Oliver Oil 幾好用) / 潤唇膏 / 防晒 (雪地~) / 係咁多先啦 ! 記得再加啦 ~~
暖貼/包問題 : 原來係真嘅 ~ 佢地係遇凍越凍...遇熱越熱 ~~ 但係都有用嘅 ! 用貼嘅較方便 , 要貼在身內會較有熱的感覺 ! 也可帶點細包不貼的 , 凍時拿著或直接放到手套內也會好一點點 , 手指好快感覺凍和痛 , 所以拿著暖下手指可以舒緩點 ! 差電暖蛋好似無大作用....仲好重添 !!
但係十分提意預備多點專門給腳用的暖貼 , 因為我買的鞋尺碼不夠大 , 只能穿一對襪 , 貼了暖貼好好多 , 這是唯一一樣我是帶不夠的 ~~哎呀~~ 還有車呀! 車係左軚架 ~ 入油係自助架 ~ 油缸上都有簡易說明 , 睇清楚吖 , 唔難嘅 ! 可以用Visa Card和入現金 ! 攞起油槍後記得剔起托油槍個架就入得 ~~ :P
如停留長時間的話..... 外面有電插左就記得在車頭拉條電線出黎插電掣喇 ! 係為車內某些位置保暖 !
另外轉彎一定要慢呀 ~ 尤其是冰地 , 我地都試過滑軚 , 好在只約一個車身位 , 無碰到其它車 ~
如果攰就要搵個安全位停埋一邊休息吓先 ! 停埋一邊齊齊瞓.... 節目之一 ~ good ar !!! 瞓醒再起程 ! :P
