馬灣柏麗灣岸釣

嘻嘻! 朋友返親黎大都會去釣魚~ 今次選擇馬灣, 因為方便又可以隨時去, 唔似西貢魚排之類有時限坐船入去!

坐西鐵去荃灣西, 再轉船入馬灣, 到達後買了點食物便直往沙灘去, 走到沙灘盡頭上岩石, 找個有利位置便正式開始~ 估唔到咁鬼好天.... 唔記得帶帽~ 好在有太陽眼鏡~ 暴曬左一日!!!!

今次我就無乜收獲, 只有一條石狗公咁大把~ 朋友就係咁釣石狗公/泥鯭同雞泡, 不過都係細細條.... 唯有放返晒落海啦!!!

水漲前要走, 所以唔玩咁夜, 趕返出去尖沙咀食晚飯~ 試左個超大 "梳乎哩" ! 係飯後甜品..... 睇見真係食唔落! 好在裡面係鬆嘅~ 最後都食左3份2~~ =_="