又荃灣城門水塘啦!

因為唔夠時間又唔識路, 所以決定再去城門水塘, 搵返上次搵唔到嘅地方!

2點半至開始, 因為上次行錯路, 偏離左塘邊, 所以今次倒轉行... 原來那是衛奕信徑~

今天超好天, 經過數日寒風折騰~ 今天.... 終於可以短打上陣~ 不過偶爾走進陰暗處仍覺清涼!!

終於在黃昏時找到另一個拍攝佳地.... 不過還是不像我從前去過的地方~ 為什麼? 是否地形已改變了?? 還是..... 我記錯了???? 不會吧~ 那時我帶著別人的牧羊狗去.... 印象深刻!!!!??

因為沿途停留影相時間不短, 假日又多人, 等得別人走了.... 紅霞又開始漸退~ 所以.......

搵個平日再去~~ 哈哈哈........

馬灣柏麗灣岸釣

嘻嘻! 朋友返親黎大都會去釣魚~ 今次選擇馬灣, 因為方便又可以隨時去, 唔似西貢魚排之類有時限坐船入去!

坐西鐵去荃灣西, 再轉船入馬灣, 到達後買了點食物便直往沙灘去, 走到沙灘盡頭上岩石, 找個有利位置便正式開始~ 估唔到咁鬼好天.... 唔記得帶帽~ 好在有太陽眼鏡~ 暴曬左一日!!!!

今次我就無乜收獲, 只有一條石狗公咁大把~ 朋友就係咁釣石狗公/泥鯭同雞泡, 不過都係細細條.... 唯有放返晒落海啦!!!

水漲前要走, 所以唔玩咁夜, 趕返出去尖沙咀食晚飯~ 試左個超大 "梳乎哩" ! 係飯後甜品..... 睇見真係食唔落! 好在裡面係鬆嘅~ 最後都食左3份2~~ =_="

好涷... 好涷......

昨晨低溫-0.6℃　打鼓嶺結霜

2010年01月14日

【本報訊】天氣持續寒冷，天文臺昨日錄得市區最低溫度 9.8℃。新界北打鼓嶺部份地區結霜，路邊樹葉披上一層薄霜，汽車玻璃窗亦變得白茫茫，直至晨光初現才融解。部份市民受寒冷天氣引致病發需送院治理，至少有兩長者死亡。
天文臺科學主任龔穎恆表示，天文臺昨日錄得市區最低溫度為 9.8℃，打鼓嶺 4℃。昨清晨 5時，記者在打鼓嶺坪輋一帶錄得 4℃，至早上 7時錄得-0.6℃，草葉均披上一層薄薄的霜；路邊車輛的玻璃窗更是白茫茫一片，直至晨光初現霜雪始融解，但菜田沒有結霜，而溫度稍為回升。

逾百人需送院治理

在上午 11時許，葵湧大隴街葵湧花園老人院，患有心臟病、血壓高及腎病 96歲姓楊老婦，被職員發現昏迷床上，送院搶救不治，懷疑低溫下病發死亡。中午 12時許，天水圍天耀邨耀富樓患有心臟病 70多歲老翁，飲完早茶回家後出現氣促隨即昏倒，妻子陪同乘救護車急送屯門醫院，惜終救治無效死亡。
此外，早上 7時許，葵湧石蔭邨蔭石樓一名心肺有問題 81歲姓黎老翁，懷疑病發昏迷床上， 56歲姓宋妻子發現報警，送院搶救目前情況危殆。
長者安居服務協會一線通平安鐘服務，由昨凌晨至晚上共收到 1,900人次按鐘求助，主要氣促及痛症，當中逾百人需送院治療。

新界7至9度 打鼓嶺4度

(明報)2010年1月13日 星期三 08:40

一股冬季季候風為華南帶來寒冷及乾燥天氣，新界大部分地區只有7至9度，打鼓嶺4度。

上午8時天文台錄得市區氣溫10度，荃灣、大埔、石崗7度，流浮山8度，將軍澳、屯門、長洲、跑馬地9度。

預測今日天晴，非常乾燥，早上天氣寒冷。日間最高氣溫約16度。

展望明日早上天氣仍然寒冷，隨後數天氣溫逐漸回升。